သမ္မာကျမ်းစာဆိုတာ ဘာလဲ။

စာအုပ်အကြီးကြီးတစ်အုပ်လား။

သမ္မာကျမ်းစာအကြောင်း ကျွန်ုပ်တို့ ပထမဆုံးရှာတွေ့ခဲ့တာတွေထဲကတစ်ခုက စာအုပ်တစ်အုပ်သက်သက်မဟုတ်ဘဲ စာအုပ် ၆၆ အုပ်ကို စုပေါင်းထားတာဖြစ်ပါတယ်။ စာအုပ်တွေလို့ ကျွန်ုပ်တို့က သုံးနှုန်းနေပေမဲ့ အမှန်တကယ်တော့ သမ္မာကျမ်းစာမှာ ဇာတ်လမ်းပုံပြင်တွေ၊ သမိုင်းတွေ၊ ကဗျာတွေ၊ သီချင်းတွေ၊ အတ္ထုပ္ပတ္တိတွေနဲ့ ပေးစာများစွာ ပါဝင်ပါတယ်။ (အရင်က အီးမေးလ်ဆိုတာ မရှိသေးဘူးလေ၊ ဟုတ်တယ်မလား။)

စာရေးသားမှုပုံစံအမျိုးမျိုး ပါဝင်တာကြောင့် အများအားဖြင့် သမ္မာကျမ်းစာကို အခုခေတ်စာအုပ်တွေလို အစကနေ အဆုံး မဖတ်ကြပါဘူး (အစကနေ အဆုံးဖတ်လည်း ကိစ္စမရှိဘူးနော်)။ အဲ့အစား ယုံကြည်သူတွေဟာ သခင်ယေရှုအကြောင်း ဇာတ်လမ်း ဒါမှမဟုတ် ဘုရားသခင်အတွက် ရေးသားထားတဲ့ ချီးမွမ်းသီချင်းတွေလို ကျမ်းပိုဒ်တချို့ကို ဖတ်ရှုကြပါတယ်။

ညာဘက်ကပုံဟာ သမ္မာကျမ်းစာကို အမျိုးအစားအလိုက် ဘယ်လိုခွဲပေးထားလဲဆိုတာ ပြသပေးပါတယ်။

သမ္မာကျမ်းစာကို ဘာကြောင့်စာအုပ်ပေါင်းများစွာနဲ့ ဖွဲ့စည်းထားလဲဆိုတာ နားလည်ဖို့အတွက် သမ္မာကျမ်းစာရဲ့ သမိုင်းကြောင်းနဲ့ ရေးသားဖြစ်ခဲ့တဲ့ပုံစံကို အနည်းငယ်သိထားရင် ပိုကောင်းပါတယ်။ ဘုရားသခင်ကို လွန်ခဲ့တဲ့ နှစ်ပေါင်း ၃,၀၀၀ ခန့် (အစောပိုင်းကာလက ရက်စွဲတွေက သိပ်မရေရာပါဘူး) က လူသားမျိုးနွယ်တွေဆီ သူ့သတင်းစကားတွေအကြောင်း စာရေးသားဖို့ လူတွေကို စိတ်အားထက်သန်စေခဲ့ပါတယ်။ နှစ်ပေါင်း ၁,၆၀၀ ခန့်ကာလတစ်လျှောက်မှာ သမိုင်းကာလအမျိုးမျိုးနဲ့ ကမ္ဘာပေါ်က တည်နေရာအမျိုးမျိုးက စာရေးဆရာ အနည်းဆုံး အယောက်လေးဆယ်ဟာ ဘုရားသခင်က သူတို့ကို ရေးသားဖို့ စိတ်အားထက်သန်စေခဲ့တဲ့အချက်တွေကို မှတ်တမ်းတင်ခဲ့ပါတယ်။ ဒီလို မတူကွဲပြားတဲ့ စာရေးဆရာအုပ်စုတွေ ရှိသော်ငြားလည်း သမ္မာကျမ်းစာက ဇာတ်လမ်းတစ်ပုဒ်တည်းကို အခြေခံအားဖြင့် ပြောပြပါတယ်၊ အဲ့ဇာတ်လမ်းကတော့ ဘုရားရဲ့ ကမ္ဘာလောကကြီးဆီ နောက်ဆုံးသတင်းစကားဖြစ်တဲ့ သခင်ယေရှုနောက်လိုက်စေဖို့ လူတွေကို နှိုးဆော်ပေးတဲ့ ဇာတ်လမ်းဖြစ်ပါတယ်။

သမ္မာကျမ်းစာက မသိရင် အတော့်ကိုကြီးတဲ့ စာအုပ်ကြီးတစ်အုပ်လို့ ထင်ရပါတယ်။ သမ္မာကျမ်းစာက နက်နဲဆန်းကျယ်တယ် ဒါမှမဟုတ် နားလည်ရခက်တယ်လို့ လူတချို့က ထင်ကောင်းထင်ကြ၊ ကြားကောင်းကြားဖူးကြပါတယ်။ ဓမ္မဆရာတွေ ဒါမှမဟုတ် ဘုန်းတော်ကြီးတွေသာ သမ္မာကျမ်းစာကို အမှန်အကန် နားလည်နိုင်တယ်လို့ သူတို့ ကြားဖူးကောင်းကြားဖူးပါလိမ့်မယ်။

ဒါကြောင့် သမ္မာကျမ်းစာရဲ့ အဓိပ္ပာယ် အစစ်အမှန်ကို သိရှိဖို့လိုတာဖြစ်ပါတယ်၊ သမ္မာကျမ်းစာဆိုတာ နေရာတိုင်းက လူအားလုံးအတွက် ဘုရားသခင်ရဲ့ သတင်းစကားဖြစ်ပြီး သာမန်လူ (လူတိုင်း) တွေ ဖတ်ဖို့ ရည်ရွယ်ထားတာဖြစ်ပါတယ်။

သေတမ်းစာဆိုတာဘာလဲ။

"သေတမ်းစာ" ဆိုတဲ့ စကားလုံးက လူတစ်ဦး ကွယ်လွန်တဲ့အခါ သူ့ပိုင်ဆိုင်တဲ့အရာတွေကို ဘာလုပ်မလဲဆိုတဲ့ဆန္ဒအကြောင်း ရေးသားထားတဲ့ တရားရေးရာ စာရွက်စာတမ်းကို ကျွန်ုပ်တို့ကို သွားမြင်စေပါလိမ့်မယ်။ သမ္မာကျမ်းစာထဲမှာ သခင်ယေရှုက ကမ္ဘာမြေပေါ်ကို ကြွမလာခင် နှစ်ပေါင်းများစွာအလိုမှာ ဘုရားသခင်ဟာ လူတွေက သူ့ကိုသာ တစ်ဦးတည်းသော ဘုရားသခင်အဖြစ် သိရှိသင့်ပြီး ကိုးကွယ်သင့်ကြောင်း ဆန္ဒကို ပထမဆုံး ထုတ်ဖော်ခဲ့ပါတယ်၊ အဲ့လိုလုပ်မယ်ဆိုရင် ဘုရားသခင်က လူတွေကို သူတို့ရဲ့အပြစ်တွေကနေ ခွင့်လွှတ်ပေးပါလိမ့်မယ်။ သမ္မာကျမ်းစာရဲ့ ပထမအပိုင်းဖြစ်တဲ့ ဓမ္မဟောင်းကျမ်းက လူသားမျိုးနွယ်ရဲ့ ဘုရားသခင့်ဆန္ဒအပေါ် တုံ့ပြန်ခဲ့ပုံရဲ့ ဇာတ်လမ်းဖြစ်ပါတယ်။

လူသားမျိုးနွယ်ဟာ ဘုရားသခင်ရဲ့ဆန္ဒကို မလိုက်နာခဲ့တာကြောင့် ဘုရားသခင်က သူတို့ခွင့်လွှတ်ခံရစေဖို့ နည်းလမ်းအသစ်ကို အသုံးပြုခဲ့ပါတယ်။ အဲ့နည်းလမ်းကတော့ သူ့ရဲ့တစ်ဦးသော သားတော်ဖြစ်တဲ့ ယေရှုခရစ်တော်ကို လူတွေရဲ့အပြစ်အတွက် အသေခံခိုင်းဖို့ ကမ္ဘာမြေကို စေလွှတ်ခြင်းဖြစ်ပါတယ်။ ယေရှုခရစ်တော်နဲ့ သူ့နောက်လိုက်ဖို့ ရွေးချယ်သူတွေရဲ့ ဇာတ်လမ်းတွေဟာ ဘုရားသခင် ဖန်ဆင်းခဲ့တဲ့ လူသားမျိုးနွယ်အတွက် သူ့ရဲ့ဓမ္မသစ်ကျမ်းဇာတ်လမ်းတွေ ဖြစ်ပါတယ်။ ဒီတော့ သမ္မာကျမ်းစာကို ကမ္ဘာမြေပေါ် ယေရှုခရစ်တော် မကြွလာခင် ရေးသားထားတဲ့ ဓမ္မဟောင်းကျမ်းနဲ့ ကြွရောက်လာပြီးနောက် ရေးသားထားတဲ့ ဓမ္မသစ်ကျမ်းဆိုပြီး နှစ်မျိုးခွဲထားပါတယ်။

သမ္မာကျမ်းစာမှာ ကျမ်းပိုဒ်တစ်ပိုဒ်ကို ဘယ်လိုရှာရမလဲ။

သမ္မာကျမ်းစာကို ဖတ်ရှုရာမှာ ပိုမိုလွယ်ကူစေဖို့အတွက် သမ္မာကျမ်းစာမှာပါတဲ့ စာအုပ်နာမည်တွေနဲ့ ရင်းနှီးအောင်လုပ်ထားရင် ပိုကောင်းပါတယ်။ ဒါဟာ လုပ်ဖို့ခက်ခဲပုံပေါက်ရင်တောင် နာမည်အားလုံးကို အစဉ်လိုက် အလွတ်ကျက်ထားတာက အကောင်းဆုံးပါပဲ။ ကိုယ့်ကိုယ်ကိုယ် တစ်နေ့ နာမည် ၁၀ ခု ကျက်မယ်လို့ စိန်ခေါ်ကြည့်ပါ။ နောက် ၁၀ ခု စကျက်တဲ့အခါ အရင်ကျက်ထားတာတွေကို ပြန်ဆိုကြည့်ပါ၊ ဒါမှ နာမည်တွေကို အစဉ်လိုက် ရွတ်ဖတ်နိုင်မှာဖြစ်ပါတယ်။

သမ္မာကျမ်းစာမှာပါတဲ့ စာအုပ်တွေကို အောက်မှာဖော်ပြပေးထားပါတယ်။ သူတို့ကို အလွန်ကျက်မှတ်ဖို့ အဲ့စာရင်းကို အသုံးပြုနိုင်ပါတယ်။ တချို့နာမည်တွေက အသံထွက်ခက်တတ်ပါတယ်၊ ဥပမာ- Job ကို အသံထွက်တဲ့အခါ အနောက်ဆုံးမှာ "e" ရှိသလို ("jobe") အသံထွက်ရမှာ ဖြစ်ပါတယ်။ စာအုပ်တစ်အုပ်ရဲ့နာမည်ကို ဘယ်လိုအသံထွက်ရမလဲ မသေချာတဲ့အခါ သင်တက်ရောက်တဲ့ ဘုရားကျောင်းက သင့်သမ္မာကျမ်းစာဆရာ ဒါမှမဟုတ် ဓမ္မဆရာကို မေးဖို့မကြောက်ပါနဲ့။

သမ္မာကျမ်းစာရဲ့ ဘယ်စာမျက်နှာမဆိုကို လှန်လိုက်ရင် နံပါတ်တပ်ထားတဲ့ ကျမ်းပိုဒ်သေးသေးလေးတွေ အများကြီး တွေ့ရပါလိမ့်မယ်။ ဒါတွေကို အခန်းငယ်လို့ ခေါ်ပါတယ်။ အခန်းငယ်တွေ စုပေါင်းထားတာကို အခန်းကြီးတစ်ခန်းလို့ ခေါ်ပါတယ် (အခန်းကြီးအားလုံးမှာ တူညီတဲ့အခန်းငယ် အရေအတွက် မရှိပါဘူး)။ ခြွမ်းချက်တွေကတော့ ဓမ္မဟောင်းကျမ်းက ဩဗဒိဗျာဒိတ်ရူပါရုံ (Obadiah) နဲ့ ဓမ္မသစ်ကျမ်းက ဖိလေမုန်ဩဝါဒစာ (Philemon)၊ ရှင်ယောဟန်ဩဝါဒစာဒုတိယစောင်နှင့် တတိယစောင် (2 and 3 John) နဲ့ ရှင်ယုဒဩဝါဒစာ (Jude) တို့ ဖြစ်ပါတယ်။ သူတို့ကို အခန်းကြီးတွေအဖြစ် မခွဲထားပါဘူး။

လူတွေက သမ္မာကျမ်းစာထဲက ကျမ်းပိုဒ်အချို့ကို ကိုးကားတဲ့အခါ "အခန်းကြီးနဲ့ အခန်းငယ်" လို့ခေါ်တဲ့ အရာတွေကို အသုံးပြုပါတယ်။ တစ်ယောက်ယောက်က သင့်ကို ရှင်ယောဟန်ဩဝါဒစာ ရဲ့ အခန်းကြီးသုံးထဲက အခန်းငယ်တစ်ဆယ့်ခြောက်ကို ရှာစေလိုရင် ရှင်ယောဟန်ဩဝါဒစာ ၃:၁၆ လို့ရေးထားတာ တွေ့ရပါလိမ့်မယ်။

ဒီနေရာမှာ သမ္မာကျမ်းစာမှာပါတဲ့ စာအုပ်တွေရဲ့နာမည်တွေကို အလွတ်ကျက်ထားတဲ့အခါ ရှင်ယောဟန်ဩဝါဒစာ က ဓမ္မသစ်ကျမ်းက စတုတ္ထစာအုပ်ဆိုတာ သင်သိပါလိမ့်မယ်။ ရှင်ယောဟန်ဩဝါဒစာ ကို ရှာပြီးတဲ့အခါ တတိယမြောက် အခန်းကြီးကို ရှာပါ၊ ပြီးရင် တစ်ဆယ့်ခြောက်ခုမြောက် အခန်းငယ်ကို ရှာပါ။ သမ္မာကျမ်းစာထဲက ကျမ်းပိုဒ်အားလုံးအတွက် အကိုးအကားတွေကို အပေါ်မှာ ပြထားတဲ့အတိုင်း ရှင်ယောဟန်ဩဝါဒစာ ၃:၁၆ (တစ်ခါတလေမှာ စာအုပ်ရဲ့ နာမည်အတိုကောက်ကို အသုံးပြုတတ်ပါတယ်) ပုံစံနဲ့ ရေးပါတယ်။ အခန်းငယ်တစ်ခုထက်ပိုပြီး ကိုးကားချင်ရင် ထွက်မြောက်ရာကျမ်း ၂၀:၁-၁၇ ဆိုတဲ့ပုံစံလို ရေးပါတယ်။ ဆိုလိုတာက ထွက်မြောက်ရာကျမ်း (Exodus) ရဲ့ အခန်းငယ်နှစ်ဆယ်က ပထမဆုံး အခန်းငယ် တစ်ဆယ့်ခုနစ်ခန်းကို ကိုးကားထားကြောင်း ဖြစ်ပါတယ်။ လွယ်လွယ်လေးပဲနော်။