ဘာကြောင့် သမ္မာကျမ်းစာကို ဖတ်သင့်ပါသလဲ။

သခင်ယေရှုရဲ့ နောက်လိုက်တစ်ဦးဆိုတာ-

• ယေရှုခရစ်တော်ဟာ ဘုရားသခင်ရဲ့သားတော်ဖြစ်ကြောင်း ယုံကြည်သူ
• သခင်ယေရှုကို ကယ်တင်ရှင်အဖြစ် လက်ခံပြီးသူ
• သခင်ယေရှုရဲ့ ဆိုဆုံးမမှုတွေနဲ့ ကျွန်ုပ်တို့ရဲ့ ဘ၀အတွက် ကိုယ်တော့်ရဲ့အစီအစဉ်ကို လိုက်နာခြင်းအားဖြင့် ရှင်သန်နေထိုင်ဖို့ ဆုံးဖြတ်ပြီးသူဖြစ်ပါတယ်။

နောက်လိုက်တွေဟာ သမ္မာကျမ်းစာက ဘုရားသခင်ရဲ့ လူသားမျိုးနွယ်အတွက် သတင်းစကားဖြစ်တယ်လို့ ယုံကြည်ပါတယ်။

ဘုရားသခင်က ကျွန်ုပ်တို့အတွက် ရည်ရွယ်ထားတဲ့နည်းနဲ့ ကိုယ်တော့်အကြောင်း အစစ်အမှန်သိရှိဖို့ဆိုရင် သမ္မာကျမ်းစာကို ဖတ်ဖို့လိုအပ်ကြောင်း သူတို့သိရှိကြပါတယ်။ သခင်ယေရှုရဲ့ နောက်လိုက်အစစ်အမှန်တစ်ဦးဖြစ်ဖို့၊ သခင် ကမ္ဘာမြေပေါ်မှာ ရှိခဲ့စဉ်က သင်ကြားပြသပေးခဲ့တဲ့နည်းလမ်းအတိုင်း ရှင်သန်နေထိုင်ဖို့ ဆုံးဖြတ်ထားတဲ့ လူပုဂ္ဂိုလ်တွေဖြစ်ဖို့အတွက် ကျွန်ုပ်တို့ဟာ သမ္မာကျမ်းစာကို ဖတ်ဖို့လိုပါတယ်။ သခင်ယေရှုဟာ ဘုရားသခင်ရဲ့သားတော်ဖြစ်ကြောင်း ကျွန်ုပ်တို့ ဘာကြောင့်ယုံကြည်လဲဆိုတဲ့အချက်နဲ့ ဘုရားသခင်က သခင်ယေရှုကို ကျွန်ုပ်တို့ရဲ့ ကယ်တင်ရှင်ဖြစ်ဖို့ ကမ္ဘာမြေပေါ် စေလွှတ်မှုဖြစ်စေခဲ့တဲ့ ဖြစ်ရပ်တွေအကြောင်း ကျွန်ုပ်တို့ သိရှိဖို့လိုပါတယ်။

သင်ဟာ သမ္မာကျမ်းစာ မဖတ်ရှုဘဲ ကြီးပြင်းလာခဲ့ရပြီး သမ္မာကျမ်းစာအကြောင်း များများစားစား မသိရင် (ဘာမှမသိရင်တောင်) အဲ့လိုဖြစ်တာ သင်တစ်ယောက်တည်းမဟုတ်ပါဘူး။ ဒီစာအုပ်လေးရဲ့ရည်ရွယ်ချက်ကတော့ သမ္မာကျမ်းစာက ဘယ်လိုစာအုပ်မျိုးဖြစ်ကြောင်း သင်နားလည်လာအောင် ကူညီပေးဖို့ဖြစ်ပါတယ်-

• ၎င်းကို ဘယ်လိုရေးသားထားပုံ
• သမ္မာကျမ်းစာမှာ ပုံပြင်တစ်ပုဒ် ဒါမှမဟုတ် ကျမ်းပိုဒ်တစ်ပိုဒ်ကို ရှာဖွေနည်း
• သမ္မာကျမ်းစာက ပြောပြတဲ့ အဓိကဇာတ်လမ်း

သမ္မာကျမ်းစာကို ဖတ်ရှုရာကနေတစ်ဆင့် ဘုရားသခင်အကြောင်း သင်သိလာတာနဲ့အမျှ ကိုယ်တော်ဟာ သင့်ရဲ့ဝိညာဉ်ကို ကောင်းချီးပေးပြီး သင့်ကို ပိုမိုနီးကပ်လာစေမှာဖြစ်ပါတယ်။