کہانی دا اختتام (مکاشفہ)

مکاشفہ دی کتاب

مکاشفہ دی کتاب ایک رویا دا ریکارڈ ہے جو یوحنا رسول نوں دِتی گئی سی جدوں اوہ یونانی جزیرے پتموس تے جلاوطنی دی زندگی گزار ریا سی۔ ایہہ بائبل دی سب توں مشکل کتاب ہو سکدی ہے۔ مکاشفہ یسوع دے پیروکاراں دے لئی بڑے ظلم و ستم دے زمانے وچ لکھی گئی سی۔ بہت سے علماء دا خیال ہے کہ یوحنا نے اینوں ایک ایسے ضابطے وچ لکھیا ہووے گا جو اُس دے دور دے ایسے قارئین نوں چنگی طرح سمجھ وچ آ گیا ہووے گا۔

پاویں مکاشفہ وچ کُجھ علامتاں تے تصویراں نوں سمجھنا مشکل ہے، توانوں اینوں کٹ توں کٹ ایک واری پڑھنا چاہیدا ہے۔ مکاشفہ 1 باب 3 آیت ایناں لوکاں دے لئی برکت دا وعدہ کردا ہے جو اینوں پڑھدے نیں۔ ست کلیسیاؤں نوں لکھے گئے خطوط وچ ہالے وی جدید کلیسیا دے لئی بہت کُجھ کہنا باقی ہے۔ تے، جے تُسی عہد نامہ عتیق دے پیغمبراں وِچوں کوئی پڑھیا ہے، تے توانوں تحریر دے اسلوب تے تصویراں تے علامتاں دے استعمال دے درمیان مماثلتاں بہت دلچسپ نظر آن گِیاں۔

جے اسی مکاشفہ وچ کُجھ ہور نہیں پڑھدے آں، تے سانوں کٹ توں کٹ آخری باب، باب 22 نوں پڑھنا چاہیدا ہے۔ اس وچ، سانوں اس گل دی وڈی امید مل سکدی ہے کہ جدوں اسی جنت وچ اپنے کار جاواں گے تے کی ساڈا انتظار کر ریا ہے۔