روح دی اس معموری دی وجہ توں اوہ سب دوجی زباناں وچ بولن لگے۔ (اعمال 2 باب 4 آیت)

اینج ہی ہویا کہ جدوں یسوع دے پیروکار اینج روح توں معمور ہوئے تے اسرائیل دے آسے پاسے دے ممالک توں ہزاروں لوک سی جو یہودیاں وچوں ایک عید منان دے لئی یروشلم آئے سی۔ (آپ اعمال 2 باب 8 تا 11 آیات وچوں ایناں دے ملکاں دی فہرست پڑھ سکدے اوہ۔) معجزانہ طور تے، ایناں وچوں ہر ایک یسوع دے پیروکاراں نوں یسوع مسیح دے ذریعے نجات دی خوشخبری سناندے ہوئے، اپنی زبان وچ گل کردے ہوئے سُن سکدا سی!

شاگرد، پطرس، نے خاص طور تے ایک متحرک تقریر کیتی کہ کینج یسوع، جنہوں بغیر کسی گناہ دے مصلوب کیتا گیا سی، خدا دا بیٹا ہے۔ اس نے لوکاں نوں دسیا کہ نجات یسوع دے ذریعے آندی ہے۔ ہجوم وچوں بہت سے لوک پطرس دے کہن توان متاثر ہوئے کہ اس دن 3,000 توں زیادہ لوکاں نے یسوع نوں مسیحا تے اپنے نجات دہندہ دے طور تے قبول کیتا!

ایہہ دن واقعی یسوع وچ مومنین دی کلیسیا دے آغاز دی نشان دہی کردا ہے۔ ایناں ساریاں نوے ایمانداراں دے بارے وچ سوچو جو اپنے آبائی ممالک نوں جا رئے نیں تے اپنے سارے دوستاں تے خاندان والیاں نوں یسوع دے ذریعے نجات دے بارے وچ دس رہے نیں! ایناں لوکاں دی تعداد جو "یسوع دی راہ" دی پیروی کر رئے سی، جینج کہ کلیسیا نوں پہلے آکھیا جاندا سی، تیزی نال ودھنا شروع ہو گئی جو ہُن مشرق وسطیٰ تے بحیرہ روم دے یورپ دے ناں نال جانا جاندا ہے۔ اعمال دی کتاب ایہہ کہانی ہے کہ کس طرح یسوع دے پیروکار نجات دی خوشخبری پھیلاندے نیں۔

تبدل تے ظلم و ستم

یاد رکھو کہ ایہہ یروشلم وچ سی کہ شاگرد روح القدس نال معمور سی، تے یروشلم ہی اوہ جگہ سی جِتھے لوکاں نوں یسوع دے بارے وچ دسنا سب توں زیادہ خطرناک سی — آخر کار، ایہہ اوہ جگہ ہے جِتھے یسوع نوان مصلوب کیتا گیا سی۔ یسوع نوں قتل کرن والے یہودی رہنماؤاں دے ولوں ظلم و ستم ہُن یسوع دے پیروکاراں دے نوے تے ودھدے ہوئے گروہ تے مرکوز سی۔

ستفنس، ایک سب توں زیادہ بولن والا مبلغ، “دی وے” دا پہلا پیروکار سی جنہوں انجیل دی تبلیغ دے لئی قتل کیتا گیا۔ (اعمال 6 باب 7 تا 8 آیات)

اِک انتہائی ڈرامائی تبدیلی

کائفا تے دیگر کاہناں دے علاوہ جنہاں نے یسوع دے فرضی مقدمے دی صدارت کیتی، ایک تے پرجوش یہودی سی جس نے ایسا لگدا سی کہ یسوع دے سارے پیروکاراں دا صفایا کرنا اپنی زندگی دا کم بنا لیا ہے۔ اس آدمی دا ناں ترسس دا شاؤل سی۔

شاؤل نے یروشلم وچ ہیکل دے پجاریاں توں درخواست کیتی تے اجازت حاصل کیتی کہ اوہ کسی وی یہودی نوں پھڑ کر قید کر لین جو “دی وے” تے ایمان رکھن والے سی۔

شاؤل درحقیقت دمشق شہر دا سفر کر ریا سی کہ اوتھے یسوع تے ایمان لیان والیاں دی عبادت گاہ دی تلاش کرے جدوں آسمان توں ایک چمکدار روشنی اس دے گرد چمکی۔ اوہ زمین تے ڈگیا تے ایک آواز سنی جس نے اس توں پوچھا، "شاؤل، تُو مینوں کیوں ستاندا ہے؟" (اعمال 9 باب 1 تا 19 آیات)

"تو کون اے؟" شاؤل نے پُچھیا۔ ایہہ یسوع ہی سی جو شاؤل نال بات کر ریا سی۔ خدا نے شاؤل نوں ہر تھاں غیر قوماں (جو وی یہودی نہیں ہے) وچ یسوع مسیح دی خوشخبری پہنچان دے لئی چنیا سی۔

جدوں یسوع دے یہودی پیروکاراں نے سُنیا کہ شاؤل راہ تے ایمان لے آیا ہے، تے اوہ اس تے یقین نہیں کر سکے! اس دے لئی ایناں دے بدترین ظلم کرن والیاں وچوں ایک توں ایناں دے سب توں زیادہ فصیح مبلغین وچوں ایک وچ تبدیل ہونا بہت ہی ناقابل یقین سی۔ ایہہ ایک طویل وقت سی جدوں بہت سے یہودی ایماندار اس گل تے پروسہ کرن گے کہ شاؤل حقیقت وچ تبدیل ہو چُکیا ہے۔ اوہ ہالے وی اُس توں ڈردے سی کہ اُس نے ماضی وچ کی کیتا سی۔

جدوں شاؤل نے غیر قوماں وچ اپنی منادی دا کم شروع کیتا تے اس نے اپنے ناں دی رومی شکل استعمال کرنا شروع کیتی: پولوس۔ (شاؤل اس دے ناں دی یہودی شکل سی۔)

پولوس نے یسوع دی خوشخبری پھیلان دے لئی ہزاروں میل دا سفر کیتا۔ تُسی اعمال دی کتاب وچ ایدے سفر دے بارے وچ پڑھ سکدے اوہ (اعمال 11 باب 25 آیت توں اعمال 28 باب)۔ یسوع دے بارے وچ اپنی تبلیغ تے تعلیم دی وجہ توں اوہ خود وی بہت زیادہ ظلم و ستم دا شکار ہویا۔ اینوں گرفتار کر کے روم وچ قید کر دِتا گیا۔ اوتھے اپنی قید توں ہی پولوس نے یورپ دے آسے پاسے بکھری ہوئی کلیسیاؤاں نوں بہت خط لکھے جو نوے عہد نامے وچ جمع نیں۔ پولوس دی تبدیلی دا شکریہ کہ اج ساڈے کول صحائف نیں جو یسوع دے پیروکاراں نوں ہدایت تے حوصلہ افزائی، امید تے یقین دہانی دیندے نیں۔ پولوس دے خطوط نوں پڑھنا ایہہ سِکھنا ہے کہ یسوع دے پیروکار دے طور تے کینج رہنا ہے۔ .