اِک نہایت خاموش آمد

تے، کی ایہہ 2000 سال پہلاں ہویا سی؟ کی لوک بے صبری نال انتظار کر رئے سی: کی اوہناں نے یسوع دی پیدائش دی توقع وچ اپنے کار سجا رکھے سی؟ کی اوہناں نے اس طویل انتظار دی پیدائش دی توقع وچ ایک دُوجے دے لئی تحائف خریدے سی؟ جدوں اوہ پیدا ہویا تے کی پوری دنیا وچ ایہہ اعلان ہویا کہ نجات دہندہ آخرکار آ گیا جے؟

بالکل نہیں۔

جدوں یسوع بیت لحم وِچ پیدا ہویا سی، جینج داؤد دا شہر وی آکھیا جاندا ہے (یاد ہے؟)، صرف مٹھی پر لوک واقعی اس تاں واقف سی۔ اوتھے مریم، یسوع دی ماں، تے یوسف، اس دا منگیتر سی۔ جس سرائے وچ مریم تے یوسف ٹھہرے ہوئے سی اوتھے دے اصطبل دے مالک لوکاں نوں شاید معلوم سی کہ اس عورت نے جنم دِتا ہے، لیکن ایناں دے لئی اس دی کوئی خاص اہمیت نہیں سی۔

لیکن اسی جان دے آں کہ آسمان تے بڑی خوشی سی، کیونکہ لوقا 2 باب 8 تا 14 آیات سانوں دسدی ہے کہ یسوع دی پیدائش دی رات فرشتیاں دا ایک وڈا گروہ کُجھ چرواہیاں تے ظاہر ہویا۔ اوہناں نے نہ صرف ایہہ اعلان کیتا کہ یسوع نامی ایک بچہ پیدا ہویا ہے، بلکہ اوہناں نے حقیقت وچ ایہہ اعلان کیتا کہ اوہ اوہی مسیحا ہے جس دا یہودی لوک اینے عرصے توں انتظار کر رئے سی!

لیکن اس وچ مزید تی سال لگن گے اس توں پہلاں کہ کوئی ہور اینوں تلاش کرنا شروع کر دیوے۔

چار آدمی، چار داستاناں

اوہناں نے ایک دُوجے نال اس تے بحث نہیں کیتی۔ ایہہ ممکن ہے کہ اوہ نہیں جان دے سی کہ کوئی ہور یسوع دی کہانی لکھ ریا ہے۔ متی، لوقا تے یوحنا شاید مرقس دی انجیل دے بارے وچ جان دے تے پڑھ چکے ہون گے۔ علماء دا خیال ہے کہ ایہہ یسوع مسیح دی پہلی سوانح حیات سی۔ لیکن چاروں انجیلاں ایک دُوجے توں آزادانہ طور تے لکھیاں گئیاں۔

جدوں لوک کسی واقعہ دے بارے وچ کوئی کہانی سناندے نیں، تے اوہ عام طور تے ایہہ شامل کرن دی کوشش کرن گے کہ ایناں دی رائے وچ، سب توں اہم حصے کی نیں۔ ایہی معاملہ متی، مرقس، لوقا تے یوحنا دے نال سی۔ کُجھ واقعات تے کہانیاں شامل نیں جو دوجیاں وچ نہیں نیں؛ کُجھ واقعات قدرے مختلف ترتیب وچ دسے گئے نیں۔

مثال دے طور تے، صرف متی تے لوقا یسوع دی پیدائش دی کہانی بیان کردے نیں۔ شاید، لوقا دے ذہن وچ، لوکاں دے لئی ایہہ جاننا ضروری سی کہ یسوع ایک کنواری لڑکی توں پیدا ہویا سی۔ مریم دا منگیتر، یوسف، یسوع دا حقیقی پیو نہیں سی؛ یسوع خدا دا بیٹا سی۔ لوقا 1 باب 26 تا 38 آیت)

متی دی انجیل یسوع دے خاندانی درخت توں شروع ہوندی ہے۔ کی توانوں یاد ہے کہ کس طرح، بہت پہلاں دے وقت وچ، خدا نے ابراہیم نال وعدہ کیتا سی کہ دنیا نوں ایک بادشاہ دے ذریعے برکت ملے گی جو اس دی اولاد توں آوے گا (پیدائش 12 باب 3 آیت)؟ متی سانوں ایہہ دسن دا خیال رکھدا ہے کہ یسوع بادشاہ داؤد دی براہِ راست اولاد سی، جو ابراہام دی براہِ راست اولاد سی۔ یسوع اس قدیم پیشینگوئی دی تکمیل سی۔

مرقس تے یوحنا دے معاملے وچ، اوہ ایہہ سمجھدے نیں کہ، جدوں اوہ یسوع دے بارے وچ لکھ رئے سی، تے سب نوں معلوم ہووے گا کہ اوہ کس دے بارے وچ گل کر رئے نیں: اپنے زمانے وچ، یسوع بہت مشہور سی۔ لہذا، مرقس تے یوحنا یسوع دے بارے وچ اپنیاں کہانیاں اس وقت شروع کردے نیں جدوں اس نے اپنی زمینی خدمت شروع کیتی سی، یعنی جدوں یسوع تقریباً تی سال دا سی۔

اِک غیر متوقع مسیحا

جدوں اسی ایناں نبیاں دے بارے وچ سِکھیا جنہاں نے پیشین گوئی کیتی سی کہ اسرائیل صور تے بابل تے ڈِگے گا، تے اسی ایہہ وی سِکھیا کہ اوہی انبیاء پیشین گوئی کر رئے سی کہ بادشاہ داؤد دی نسل توں ایک بادشاہ، ایک مسیحا، ایک نجات دہندہ نکلے گا۔ ایناں پیشین گوئیاں نے یہودیاں نوں ایہہ امید دلائی کہ اسرائیل دوبارہ ایک عظیم قوم بن جاوے گا، کہ ایک بادشاہ اسرائیل دے ساریاں دشمناں نوں فتح کرن دے لئی آوے گا تے ایناں نوں ایسی سپر پاور بناوے گا جو دنیا تے حکومت کرے گی۔

لیکن یہودی ساریاں پیشین گوئیاں نہیں پڑھ رئے سی۔ یا، جے اوہ پڑھ رئے ای، تے اوہ ایناں وچوں کُجھ نوں بہت غلط سمجھ رئے ای۔ نبیاں نے مسیحا دی دو وضاحتاں دِتیاں جو خدا پیجے گا۔ ایک، واقعی، ایک طاقتور حکمران ہونا سی۔ یہودیاں دی سمجھ وِچ نہ آن والی گل ایہہ سی کہ ایہہ بادشاہ ایک انتہائی غیر قابل ذکر جگہ توب آوے گا تے اوہ بڑے تُوم تام نال نہیں آوے گا (چھوٹے بیت الحم دی خاموش رات یاد ہے؟) ایہہ نوا بادشاہ ایسا آدمی ہووے گا جو دکھ، غم تے درد نوان جان دا ہووے گا، بادشاہی شان تے طاقت نوں نہیں۔

ایک شکست خوردہ، حوصلے پست لوکاں دے طور تے، یہودی کسی مسیحا دی تلاش نہیں کر رئے سی جینج کہ عاجز یسوع سی۔ اوہ اس توں کہیں زیادہ شاندار شخص دی تلاش وچ سی۔

تے اینج ہویا کہ جدوں یسوع آوے تے ایناں دے درمیان روے تے اوہناں نے مسیح نوں ویکھدے ہی نہیں پہچانیا۔

یسوع دی تعلیم

یاد رکھو کہ یسوع ایک ایسی تھاں تے پلیا بڑھیا جو کسی دُوجے ملک دے زیر اقتدار سی: اس وقت تک، ایہہ طاقتور رومی سلطنت سی۔ یسوع ایک بہت سادہ معاشرے وچ پلیا بڑھیا۔ یہودی لوک بہت مذہبی سی، تے اس دے پڑوسی کسان یا ماہی گیر یا تاجر سی (یوسف، اس دی والدہ دا شوہر، پیشے دے لحاظ نال بڑھئی سی)۔

شاید ایسی وجہ توں، یسوع نے کہانیاں سنا کر روحانی سچائیاں سکھان دی کوشش کیتی، جنہاں نوں تمثیل آکھیا جاندا ہے، جنہاں وچ اکثر ایسیاں چیزاں شامل ہوندیاں نیں جنہاں نال اس دے معاشرے دے لوک واقف ہون گے:

• ایک کسان اپنے کھیت وچ بیج بوندا ہے (متی 13 باب 2 تا 23 آیات)
• ایک بیٹا جو اپنے والدین نال بغاوت کردا ہے، لیکن اپنے گناہاں دے لئی بڑے پچھتاوا دے نال ایناں دے کول واپس آندا ہے۔ (لوقا 15 باب 11 تا 32 آیات)
• ایک چرواہا جو اپنی ایک پیڈ نوان گوا دیندا ہے (متی 18 باب 10 تا 14 آیات)

فریسی

یسوع دے زمانے وچ، کاہن (بائبل ایناں نوں فریسی وی کہندی ہے—ایک لفظ جس دا مطلب ہے "علیحدہ") یہودیاں دی روزمرہ زندگی تے حکمرانی کردے سی۔ کاہن اسرائیل دے بارہ قبیلیاں وچوب ایک توں آئے سی جنہاں نوں خدا نے خاص طور تے اس کردار دے لئی منتخب کیتا سی: لاوی (لاوی دے قبیلے توں)۔ اوہ یہودیاں نوں ماضی دی طرح گمراہ ہون توں روکن نوں اپنا کم سمجھدے سی۔ ایہہ ایناں دا کم سی، اوہناں نے لوکاں دے لئی کلام نوں پڑھن تے اس دی تشریح کرن دا عزم چُکیا۔ (یاد ہے کہ اسی پہلاں کی آکھیا سی کہ خدا ہر ایک دے لئی بائبل دا ارادہ رکھدا ہے؟)

یسوع لاوی دے قبیلے توں نہیں سی، اس لئی یسوع کاہن نہیں سی۔

ایک ربی، یا کلام دی سچائیاں تے علم دا استاد بنن دے لئی، ایک آدمی نوان ایک خاص ربینیکل اسکول وچ تربیت دے طویل عرصے توں لنگنا پیندا سی۔

یسوع ربینیکل اسکول نہیں گئے سی، اس لئی فریسیاں نے اینوں استاد بنن دے لئی "قابل" نہیں سمجھیا۔

لہٰذا، تقریباً اپنی وزارت دے آغاز توں ہی، یسوع دا مذہبی حکمراناں نال اختلاف سی۔ لوکاں دا ہجوم یسوع دی تعلیم سنن دے لئی جمع ہویا۔ اس دی تعلیمات دے سب توں مشہور مجموعیاں وچوں ایک وچ، جنہوں پہاڑی واعظ آکھیا جاندا ہے (ایہہ متی 5 تے لوقا 6 دوناں وچ پایا جاندا ہے)، عملی طور تے اس نے جو وی نکتہ پیش کیتا اوہ اس دے خلاف سی جس تے فریسی لوکاں نوں یقین دلاندے سی۔

کُجھ اہم خیالات جو یسوع چاہندے سی کہ اُس دے پیراوکار سِکھن، اوہ ایہہ سی:

• خدا لوکاں نال محبت کردا ہے تے چاہندا ہے کہ اوہ بدلے وچ اس نال محبت کرن۔ خُدا دی لئی اپنی محبت ظاہر کرن دا ایک طریقہ نہ صرف شریعت دی بلکہ روح دی وی اطاعت ہے۔ لہٰذا، ایماندار ہون دے نال نال، یسوع نے اپنے پیروکاراں نوں آکھیا کہ اوہ مہربان، رحمدل تے انصاف پسند ہون۔
• یسوع چاہندا ہے کہ اس دے پیروکار ایناں دی محبت توں پہچانے جان: اپنے ساتھی مومناں دے لئی محبت، حتیٰ کہ ایناں دے دشمناں توں وی محبت۔ خدا نے ساڈے گناہاں نوں معاف کرن دی پیشکش کیتی ہے؛ اوہ چاہندا ہے کہ اسی وی ایک دُوجے نوں معاف کر دئیے۔

سب توں اہم چیز جو یسوع اپنے پیروکاراں نوں دسنا چاہندا سی اوہ ایہہ سی کہ اوہ، یسوع، خُدا دا بیٹا سی، تے ایہہ کہ گناہ توں نجات صرف اُس دے ذریعے ہی ملدی ہے۔ بائبل دی سب توں مشہور آیات وچوں ایک نوے عہد دا اعلان کردی ہے جو خدا بنی نوع انسان دے نال بنا ریا سی، یوحنا 3 باب 16 آیت:

کِیُونکہ خُدا نے دُنیا نال اَیسی محبّت رکھّی کہ اُس نے اپنا اِکلَوتا بَیٹا بخش دِتا تاکہ جو کوئی اُس تے اِیمان لیائے ہلاک نہ ہو بلکہ ہمیشہ دی زِندگی پائے۔

یسوع دے ولوں ایہہ اعلان دو وجوہات دی بنا تے انقلابی سی: پہلا، ایہہ خیال کہ یسوع خدا دا بیٹا سی بہت سے یہودیاں دے لئی ناقابل قبول سی۔ ایک آدمی خدا کینج ہو سکدا ہے؟ دُوجا خیال جنہوں یسوع دے زمانے دے مذہبی رہنما قبول نہیں کر سکدے سی اوہ ایہہ سی کہ نجات ہُن صرف یہودیاں دے لئی مخصوص نہیں سی۔ یسوع نے آکھیا کہ جو کوئی وی اس تے ایمان رکھدا ہے اوہ خدا دی بادشاہی وچ داخل ہو سکدا ہے (یوحنا 1 باب 12 آیت)۔

صدوقی

صدوقی، یہودیاں دا ایک نمایاں، اکثر دولت مند گروہ جو یسوع دے زمانے وچ رہندا سی، رومیاں دے نال ایک طرح دا سیاسی بندوبست رکھدا سی، تاکہ اوہ ایک خاص مقدار وچ سیاسی طاقت نال لطف اندوز ہون۔ صدوقی بعض اوقات اپنے ساتھی یہودیاں توں رومن ٹیکس وصول کرن دا کم سنبھالدے سی، تے اکثر اس دے بارے وچ بے ایمانی کردے سی، لوکاں نوں اصل وچ واجب الادا رقم توں زیادہ ادا کرن دی ضرورت ہوندی سی تاکہ اوہ اپنے لئی حصہ رکھ سکن۔ صدوقیاں نوں بہت سے یہودی لوک غدار سمجھدے سی کیونکہ ایناں دے نفرت انگیز رومیاں دے نال قریبی تعلقات سی۔

یہودیاں وچوں اکثر بغاوت دی گل ہوندی سی۔ اوہ رومی حکمرانی دی سختی دے تحت چھیڈ چھاڈ کر رئے سی۔ صدوقی یہودیاں تے رومیاں دے درمیان امن قائم رکھنا اپنا کم سمجھدے سی۔ صدوقی سمجھدے سی کہ یہودی رومیاں نوں جِنا کٹ پریشان کرن گے، اوہنا سب دے لئی آسانیاں پیدا ہون گیاں۔

یسوع دے نال اختلاف

جینج کہ اسی پہلاں ویکھیا سی، یسوع لوکاں دے ہجوم نوں تعلیم دیندا تے خُدا تے اُس دی محبت دے بارے وچ ہر ایک نوں خوشخبری سناند ریا۔ فریسیاں نوں ایہہ بالکل پسند نہیں سی۔ اوہ یہودیاں وچ واحد مذہبی اتھارٹی بننا چاہندے سی۔یسوع نے لوکاں نوں روحانی معاملات دے بارے وچ کاہناں دے مقابلے وچ زیادہ گہرائی نال سوچنا سکھایا، تے اوہ اس دے لئی اینوں پسند کردے سی۔

صدوقیاں نے وی ہجوم نوں پسند نہیں کیتا جنہوں یسوع اپنی ول متوجہ کر ریا سی۔ لوکاں دے ہجوم نوں آسانی نال قابو نہیں کیتا جا سکدا سی۔ اگر یسوع چاہتا تھا کہ روم کے خلاف بغاوت میں اُس کے اردگرد موجود ہجوم اُس کی پیروی کریں، تو وہ اُسے روکنے کے لیے کیا کر سکتے تھے؟

صدوقی جان دے سی کہ یہودیاں دا ایک بڑا ہجوم وی رومی فوج دی طاقت نال کوئی مقابلہ نہیں کر سکدا سی۔ جے رومیاں نوں یہودی بغاوت نوں ختم کرنا پیا تے اوہ ایناں نوں بالکل کچل دین گے (تے یسوع دی زندگی دے تقریباً 35 سال بعد، اوہناں نے بالکل ایسا ہی کیتا)۔ ایناں دی سیاسی طاقت دا ہُن رومیاں دے نال کوئی مطلب نہیں ہووے گا، تے صدوقی یسوع ورگے کسی وی شخص دے لئی اپنی طاقت کھون والے نہیں سی!

سب توں پیڑی چیز جو یسوع نے کیتی سی، اوہ، لوکاں کے سامنے ایہہ اعلان کرنا سی کہ اوہ دراصل خدا دا بیٹا ہے۔

یسوع نے اوہناں نوں دسیا کہ اوہ اوہی مسیحا ہے جس دا اوہ اینے عرصے توں انتظار کر رئے سی۔ فریسیاں دے لئی، ایہہ توہین سی (خدا دے لئی انتہائی بے عزتی)! یہودی قانون دے تحت ایہہ ایک جرم سی جس دی سزا موت سی۔

بار بار، یسوع نے اپنے مسیحا ہون دے دعوے دی تائید دے لئی نشانیاں تے معجزات کیتے سی: اس نے بیماراں نوں شفا دِتی، انھیاں نوں بینائی دِتی، تے لنگڑے لوکاں نوں دوبارہ چلن دے قابل بنا دِتا۔ ایتھے تک کہ اُس نے ایک آدمی نوں مویاں وچوں زندہ کیتا سی!

یسوع نوں فریسیاں دے لئی خطرہ سمجھا جاندا سی (کیونکہ اوہ لوکاں نوں ایناں دے اختیار تے شک کرن دا باعث بنا رہا سی) تے صدوقیاں دے لئی (کیونکہ اوہ اوہناں دی طاقت دے لئی خطرہ ہو سکدا ہے)۔

فریسی تے صدوقی عام طور تے ایک دُوجے دے نال دوستانہ یا تعاون کرن والے نہیں سی، لیکن ہُن اینا دا ایک مشترکہ دشمن سی یعنی یسوع۔

ایک رات، جدوں یسوع دعا کر ریا سی، یہوداہ اسکریوتی، ایک آدمی جو یسوع دے سب توں قریبی دوستاں (اس دے بارہ شاگرداں) وچوب ایک سی، فریسیاں تے صدوقیاں دے ایک گروہ نوں لے گیا جِتھے اوہ جان دا سی کہ یسوع دعا کرنا پسند کردا ہے، گتسمنی دے باغ وچ ۔ یسوع نے گرفتار ہون دے خلاف مزاحمت نہیں کیتی، حالانکہ اوہ جان دا سی کہ اس نے کوئی جرم نہیں کیتا سی۔

یسوع تے الزام لگان والے اینوں ہیکل دے سردار کاہن کائفا دے کول لے گئے تاکہ ایک خفیہ مقدمہ چلایا جا سکے۔ اوہناں نے کائفا نوں دسیا کہ یسوع مسیح ہون دے دعوے دی وجہ توں توہین دا مرتکب ہویا ہے۔

جدوں اوہ سردار کاہن دے سامنے کھلوتا سی تے یسوع نے آکھیا، "میں مسیح واں، تے تسی مینوں خدا دے سجے ہتھ بیٹھے ہوئے ویکھو گے۔" (مرقس 14 باب 62 آیت)

پاویں یسوع دے خلاف "ثبوت" دین دے لئی چُوٹھے گواہ جمع کیتے گئے سی، کائفا نے فیصلہ کیتا کہ صرف یسوع دا بیان ہی جرم دا اعتراف سی۔ اس دا فیصلہ ایہہ سی کہ یسوع نوں موت دے گھاٹ اتار دِتا جاوے۔

یہودی رومی گورنر پیلاطس دی اجازت دے بغیر سزائے موت نہیں دے سکدے سی۔ کاہناں نے یسوع نوں پیلاطس دے سامنے پیش کیتا تے دسیا کہ یسوع نے غداری کیتی ہے: اوہ مسیحا ہون دا دعویٰ کردا ہے، تے اوہناں نے آکھیا، ایہہ اوہی ہے جو خود نوں یہودیاں دا بادشاہ کہندا ہے۔ رومی قانون دے تحت، کوئی وی اپنے آپ نوں بادشاہ نہیں کہہ سکدا سی سوائے قیصر دے۔

پیلاطس نے حقیقت وچ ایہہ نہیں سوچیا سی کہ یسوع بادشاہ ہون دا ایک سنجیدہ دعویٰ کر ریا ہے، کیونکہ اس نے اپنے لئی دفاع دی پیشکش وی نہیں کیتی جدوں اس تے مقدمہ چل ریا سی۔ لیکن یہودی کاہناں دا اصرار سی کہ یسوع نوں سزائے موت دتی جاوے۔ ایتھے تک کہ جدوں پیلاطس نے ایناں نوں سزا یافتہ قاتل، برابا، نوں آزاد کرن، یا یسوع نوں آزاد کرن دا انتخاب کرن دی پیشکش کیتی، اوہدوں وی لوک چیخ اٹھے کہ یسوع نوں سزائے موت دِتی جاوے۔ (مرقس 15 باب 6 تا 13 آیات)

یسوع مویا تے فیر جی اُٹھیا

صلیب تے چڑھانا سزائے موت دی ایک شکل سی جو عام طور تے رومی استعمال کردے سی۔ ایہہ مرن دا سب توں شرمناک طریقہ سی۔ پاویں یسوع نوں پینٹنگز وچ عام طور تے کمر دا کپڑا پہنے ہوئے دے طور تے پیش کیتا جاندا ہے، لیکن درحقیقت اس دا لباس چھین لیا گیا سی، تاکہ اوہ سب دے ویکھن دی لئی ننگا ہووے۔ ایہہ خاص طور تے شرمناک سی کیونکہ صلیب تے چڑھان نوان رومیوں نے بدترین قسم دے مجرماں دے لئی رکھیا سی۔

مار پیٹ دی ایک رات دے بعد، پہلاں اس دے یہودی الزام لگان والیاں تے فیر رومی محافظاں دے ذریعے، یسوع نوں اپنی صلیب اس جگہ لے جان دے لئی آکھیا گیا جِتھے اینوں مصلوب کیتا جانا سی۔ اوہ اپنی ساریاں ماراں توں اینا کمزور سی کہ اوہ صلیب دے بوجھ نوں برداشت نہیں کر سکدا ای۔ راستے توں لنگھے ہوئے ایک غلام نوں یسوع دی صلیب لے جان دے لئی آکھیا گیا سی۔

جدوں اوہ مصلوب دی جگہ تے پہنچے تے رومی محافظاں نے یسوع دے ہتھاں تے پیراں نوں صلیب تے کِلاں نال جڑ دِتا۔ اوہ سپاہی جو اوہنوں اوتھے لیائے سی اوہناں کپڑیاں دے لئی جوا کھیلدے سی جو اوہناں نے اوہدے توں لِتے سی۔

پاویں صلیب تے مرن وچ عام طور تے کئی دن دی شدید تکلیف دا وقت لگدا سی، لیکن یسوع دے زخماں تے رات توں پہلاں خون دی کمی نے شاید اس دی موت نوں تیز کر دِتا سی۔ اوہ اسی دن مر گیا جس دن اینوں صلیب تے کِلاں نال جڑیا گیا سی۔

جدوں کہ یسوع دے زیادہ تر دوستاں نے اینوں چھڈ دِتا سی جدوں اوہ گتسمنی دے باغ وچ گرفتار ہویا ای، اوتھے ارمتیہ دا یوسف نامی ایک شخص سی جس نے پیلاطس دے کول جان تے یسوع دی لاش منگن دی ہمت کیتی تاکہ اینوں طریقے نال دفن کیتا جا سکے۔

اس نے یسوع دی لاش نوں کتانی کپڑے وچ لپیٹ کر ایک قبر وچ رکھ دِتا جو پتھر نال تراشی گئی سی۔ اس دے بعد اس نے دروازے تے ایک وڈا پتھر لڑھکایا تے اپنے راستے تے چلا گیا۔

یسوع نے اپنے شاگرداں نوان کئی واری ایہہ دسن دی کوشش کیتی سی کہ اینوں بنی نوع انسان دے گناہاں دے لئی آخری قربانی دے طور تے مرنا پئے گا، لیکن اوہ کدھی نہیں سمجھ سکے سی کہ یسوع خدا دا بیٹا ہے۔ اوہناں نے استدلال کیتا، جے اوہ مسیحا ہے جس دا خدا نے وعدہ کیتا ہے، تے اوہ کینج مر سکدا ہے؟

یسوع دی موت دے تِیجے دن، کُجھ عورتاں جو ایدھ دوست سن قبر تے گئیاں جِتھے اینوں دفن کیتا گیا سی۔

یہودیاں دا رواج سی کہ میت نوں تدفین دے لئی مخصوص مسالیاں نال مسح کیتا جاوے۔ جاندے جاندے اوہ آپس وچ سوچن لگے کہ قبر دے سامنے لڑھک جان والے پتھر نوں اوہ کینج حرکت دین گے۔

جدوں عورتاں اوتھے پہنچیاں تے اوہ ایہہ ویکھ کر حیران رہ گئیاں کہ پتھر پہلاں ہی لڑھک چکیا سی تے قبر خالی سی۔

ایک فرشتہ، جو زمین تے بیٹھیا سی جِتھے یسوع دی لاش سی، ایناں نوں آکھیا، ”ڈرو مت! یسوع مویاں وچوں م جی اُٹھیا ہے، جینج کہ اُس نے آکھیا سی! فرشتے نے عورتاں توں آکھیا کہ اوہ اپنے دوستاں دے کول واپس جان تے اوہناں نوں ایہہ عظیم خبر سنان کہ یسوع مویاں وچوں جی اٹھیا ہے۔ (مرقس 16 باب 6 تا 7 آیات)

جینج یہودی مصر وچ غلامی توں رہائی دی یاد وچ ہر سال فسح دا جشن مناندے نیں، اسی طرح یسوع دے پیروکار ایسٹر سنڈے نوں تاریخ دے سب توں شاندار واقعہ دے طور تے مناندے نیں: یسوع مویاں وچوں جی اُٹھیا سی، موت دی طاقت نوں بنی نوع انسان تے فتح کر کے تے ہمیشہ دے لئی ساڈے گناہاں دی معافی فراہم کر کے۔

فطری طور تے، یسوع دے دوست اس تے یقین نہیں کر سکدے سی جدوں اوہناں نے سنیا کہ یسوع اپنی قبر وچ نہیں ہے۔

لیکن یسوع اپنے جی اُٹھن دے بعد کئی واری باقی گیارہ شاگرداں تے ظاہر ہویا۔ اس نے ایناں نال اس بارے وچ گل کرن وچ کافی وقت گزاریا کہ اوہ کس طرح بہت سی پیشین گوئیاں دی تکمیل کر ریا ای، تے ایناں دیاں اکھاں آخرکار ایناں ساریاں سچائیاں دے لئی کُھل گئیاں جو یسوع نے اپنے مصلوب ہون توں پہلاں ایناں نوں دسن دی کوشش کیتی سی۔ (لوقا 24 باب 27 آیت)

یسوع آسمان تے چڑھ گیا

یسوع اپنے جی اُٹھن دے بعد چالیس دناں تک شاگرداں دے سامنے ظاہر ہوندا ریا۔ ایک واری، جدوں اوہ ایناں دے نال کھانا کھا ریا سی، اس نے ایناں نوں آکھیا کہ اوہ یروشلم نوں اس وقت تک نہ چھڈن جدوں تک کہ اوہ روح القدس دا تحفہ حاصل نہ کر لین جس دا ایناں توں وعدہ کیتا گیا سی۔ (یوحنا 14 باب 16 آیت)

آخری موقع تے جدوں یسوع ایناں تے ظاہر ہویا، شاگرداں نے اس توں پُچھیا کہ کی اوہ ہُن اسرائیل نوں اس دی سابقہ شان وچ بحال کرن والا ہے۔ یسوع نے جواب دِتا کہ اوہناں وقتاں تے مِیعاداں دا جاننا جِنہِاں نوں باپ نے اپنے ہی اِختیّار وچ رکھّیا ہے تُہاڈا کم نہِیں۔ (اعمال 1 باب 7 آیت)

تے جدوں اوہ سب اُس دے نال کھڑے سی، یسوع اوہناں دیاں اکھاں دے سامنے آسمان تے چُکیا جان لگا۔ شاگرداں نے ویکھیا تے ویکھدے رہے جدوں تک کہ اوہ یسوع نوں مزید نہ ویکھ سکے۔ یسوع اپنے باپ دے نال رہن دے لئی آسمان تے چڑھ گیا سی، لیکن کہانی اوتھے ہی ختم نہیں ہوئی۔ اصل وچ، ایہہ صرف آغاز سی!