چونکہ اس وچ بہت سی مختلف قسم دیاں تحریراں نیں، بائبل نوں عام طور تے سرورق توں دُوجے سرورق تک نہیں پڑھیا جاندا ہے جینج کہ زیادہ تر جدید کتاباں نیں (حالانکہ ایہہ یقینی طور تے ہو سکدی ہے)۔ بلکہ، مومنین عام طور تے بائبل نوں مخصوص اقتباسات پڑھن دے لئی اینوں کھولدے نیں، جینج یسوع دے بارے وچ کہانیاں یا خدا دے لئی لکھے گئے حمد دے گیت۔

ایہہ سمجھن دے لئی کہ بائبل اینی مختلف کتاباں تے مشتمل کیوں ہے، بائبل دی تاریخ تے ایہہ کینج لکھی گئی اس دے بارے وچ تھوڑا جیا جانن وچ مدد دیندی ہے۔ خدا نے لوکاں نوں تقریباً 3,000 سال پہلے بنی نوع انسان دے لئی اپنے پیغامات لکھن دی ترغیب دینا شروع کیتی (ابتدائی تاریخاں تھوڑیاں جئیاں مبہم نیں)۔ تقریباً 1,600 سال دے عرصے وچ، تاریخ دے مختلف ادوار تے دنیا پر دے مختلف مقاماں دے چالیس مختلف مصنفین نے اوہ گلاں ریکارڈ کیتیاں جو خدا نے ایناں نوں کہن دی ترغیب دِتی۔ تے فیر وی، مصنفین دے اس متنوع گروہ دے باوجود، بائبل بنیادی طور تے ایک ہی کہانی بیان کردی ہے: اوہ کہانی جو لوکاں نوں یسوع دے ول لے جاندی ہے، جو دنیا دے لئی خدا دا آخری پیغام سی۔

بائبل شاید ایک بہت وڈی کتاب دی طرح لگدی ہے۔ کُجھ لوگ سوچدے نیں یا اوہناں نے سُنیا ہے کہ بائبل پراسرار ہے یا اینوں سمجھنا مشکل ہے۔ ایناں نوں ایہہ وی دسیا گیا ہووے گا کہ صرف خادم یا پادری ہی بائبل نوں صحیح معناں وچ سمجھ سکدے نیں۔

اس لئی ایہہ کتاب جانن وچ مدد کردی ہے کہ بائبل واقعی کی ہے: خدا دا پیغام ہر جگہ تمام لوکاں دے لئی، جس دا مقصد ایہہ ہے کہ عام لوک (ہر کوئی!) اینوں پڑھ سکے۔

عہدنامہ کی اے؟

لفظ "عہد نامہ" سانوں وصیت دے بارے وچ سوچن تے مجبور کر سکدا ہے ("آخری وصیت تے عہد"): ایک قانونی دستاویز جو کسی شخص دی خواہشات دا اعلان کردی ہے کہ جدوں اوہ مردا ہے تے اس دی جائیداد تے املاک دا کی ہوندا ہے۔ بائبل وچ، یسوع دے زمین تے آن توں بہت پہلے، خدا نے سب توں پہلاں اپنی مرضی دا اظہار کیتا کہ لوگ اینوں اپنے واحد خدا دے طور تے جانن تے اس دی عبادت کرن۔ بدلے وچ، خدا انساناں دے گناہاں نوں معاف کر دیوے گا۔ بائبل دی پہلی تقسیم، عہد نامہ عتیق، اس گل دی کہانی ہے کہ کس طرح بنی نوع انسان نے خدا دی مرضی دا جواب دِتا۔

چونکہ بنی نوع انسان نے خُدا دی مرضی دی پیروی نہیں کیتی، خُدا نے اوہناں دے لئی معافی دے لئی ایک نوا طریقہ وضع کیتا: اُس دے اکلوتے بیٹے یسوع نوں اوہناں دے گناہاں دے لئی مرن دے لئی زمین تے پیجیا۔ یسوع تے ایناں لوکاں دیاں کہانیاں جنہاں نے اس دی پیروی کرن دا انتخاب کیتا خدا دے نوے عہد نامے دیاں کہانیاں نیں، یا اس دی تخلیق انسانی نسل دے لئی۔ تے اینج، بائبل نوں عہد نامہ عتیق تے نئے عہد نامہ جدید وچ تقسیم کیتا گیا ہے: اوہ کتاباں جو یسوع دے دنیا وچ آن توں پہلاں لکھیاں گئیاں سی تے جو بعد وچ لکھیاں گئیاں سی۔

میں بائبل وِچ حوالہ کینج لبھاں؟

بائبل پڑھن نوں آسان بنان دے لئی، بائبل دی کتاباں دے ناواں توں واقف ہونا بہت مددگار ہے۔ پاویں ایہہ ایک مشکل کم لگ سکدا ہے، تمام ناماں نوں ترتیب نال یاد رکھنا سب توں زیادہ مددگار ہے۔ ایک دن وچ 10 ناں حفظ کرن دے لئی اپنے آپ نوں چیلنج کرو۔ جدوں تُسی اگلے 10 نوں حِفظ کرنا شروع کرو، تے اس گل نوں یقینی بناؤ کہ توانوں پہلاں یاد کیتے ہوئے کتاباں دے ناں ضرور یاد ہون، تاکہ تُسی ایناں سب نوں ترتیب نال پڑھ سکو۔

بائبل دی کتاباں دی فہرست، ایناں دے مخففات دے نال، پرانے عہد نامے تے نوے عہد نامے وچ تقسیم، اگلے صفحہ تے ظاہر ہوندی ہے۔ اینوں حفظ کرن دے لئی اپنے گائیڈ دے طور تے استعمال کرو۔ کُجھ ناواں دا تلفظ مشکل لگ سکدا ہے۔ مثال دے طور تے، انگریزی وچ ایوب دی کتاب دا تلفظ اس طرح کیتا جاندا ہے جینج اس دے آخر وچ "ای" ہووے ("جوب")۔ جے تہاڈے ذہن وچ کسی کتاب دے ناں دا تلفظ کرن دے بارے وچ کوئی سوال ہے تے، اپنے بائبل اسٹڈی ٹیچر یا چرچ دے کسی وزیر نوں پُچھن وچ ہچکچاہٹ نہ کرو جِتھے تُسی جاندے اوہ۔

بائبل نوں کسی وی صفحے تے کھولو تے توانوں بہت چھوٹے پیراگراف نظر آن گے، ہر ایک نمبر دے نال۔ ایناں نوں آیات کہندے نیں۔ آیات دے مجموعے نوں ایک باب آکھیا جاندا ہے (تے تمام ابواب وچ آیات دی تعداد ایک ورگی نہیں ہے)۔ اس وچ صرف مستثنیات پرانے عہد نامے وچ عبدیاہ دی کتاب تے فلیمون دی کتاب، 2 تے 3 یوحنا تے موے عہد نامے وچ یہودہ نیں۔ اوہ ابواب وچ تقسیم نہیں نیں۔

جدوں لوک بائبل وچ مخصوص اقتباسات دا حوالہ دیندے نیں، تے اوہ اینوں استعمال کردے نیں جنہوں "باب تے آیت" آکھیا جاندا ہے۔ جے کوئی چاہندا ہے کہ تُسی یوحنا دی کتاب دے تِیجے باب وچ سولہویں آیت نوں تلاش کرو، تو تُسی شاید اینوں اینج لکھیا ہویا ویکھو گے: یوحنا 3 باب 16 آیت۔

ایہہ اوہ تھاں ہے جِتھے بائبل دی کتاباں دے ناواں نوں حفظ کرنا کم آندا ہے: تُسی جان لوو گے کہ یوحنا نوے عہد نامے دی چوتھی کتاب ہے۔ یوحنا دی کتاب نوں تلاش کرن دے بعد، تُسی فیر تِیجے باب، تے آخر وچ، سولہویں آیت نوں تلاش کرو گے۔ بائبل وچ اقتباسات دے سارے حوالہ جات اُتے یوحنا 3 باب 16 آیت دی طرح لکھے گئے نیں (کدھی کدھی کتاب دا مخفف استعمال کیتا جاندا ہے)۔ جے ایک توں زیادہ آیات دا حوالہ دِتا جا ریا ہے، تے اینوں اینج لکھیا جاوے گا: خروج 20 باب 1 تا 17 آیات۔ اس دا مطلب ہے کہ توانوں خروج دی کتاب دے بیسویں باب دی پہلی سترہ آیات ملن گِیاں۔ سوکھا ہے نا!