اسی بائبل کیوں پڑھدے آں؟
یسوع دا پیروکار اوہ شخص ہے جو ایہہ:- من دا ہے کہ یسوع مسیح خدا دا بیٹا ہے تے جس نے
- اینوں نجات دہندہ دے طور تے قبول کیتا ہے
- تے یسوع تے ساڈی زندگیاں دے لئی اس دے منصوبے تے عمل کردے ہوئے زندگی گزارن دا فیصلہ کردا ہے
یسوع دے پیروکاراں دا مننا ہے کہ مقدس بائبل بنی نوع انسان دے لئی خدا دا پیغام ہے۔
اوہ جاندے نیں کہ، جے اوہ واقعی خُدا نوں اپنے ذاتی طریقے نال جاننا چاہندے نیں جس دا اُس نے ساڈے لئی ارادہ کیتا ہے، تے اوہناں نوں بائبل نوں پڑھن دی لوڑ ہے۔
واقعی ایسے لوک بنن دے لئی جو یسوع دی پیروی کردے نیں تے اُس طریقے دے مطابق زندگی گزاردے نیں جس طرح اُس نے سکھایا سی جدوں اوہ زمین تے سی، سانوں بائبل نوں پڑھن دی لوڑ ہے۔ سانوں ایہہ جانن دی لوڑ ہے کہ اسی کیوں یسوع نوں خدا دا بیٹا مندے آں تے ایناں واقعات دے بارے وچ جنہاں دی وجہ توں خدا نے اینوں زمین تے ساڈے نجات دہندہ دے طور تے پیجیا۔
اس چھوٹی جئی کتاب دا مقصد توانوں ایہہ سمجھن وچ مدد کرنا ہے کہ بائبل کس قسم دی کتاب ہے:
- ایہہ کینج لکھی گئی۔
- بائبل وچ کہانی یا حوالہ کینج تلاش کیتا جاوے۔
- بنیادی کہانی جو بائبل دسدی ہے۔
خُدا تہاڈی روح نوں برکت دیوے گا تے توانوں قریب لیاوے گا جدوں تسی بائبل پڑھن دے ذریعے اوہنوں جانو گے!